Biturleikinn dafnar

Fólk sem biður um að fá ekki kosningu.2
natti posted in Biturt on November 26th, 2010

Um kvöldmatarleitið í kvöld fékk ég póst frá hópi sem titlar sig “Ã?hugafólk um hógværar og skilvirkar breytingar á stjórnarskrá.”

Póstinn fæ ég frá einhverri hotmail addressu, og það er enginn sem skrifar undir póstinn. Jú, “hópurinn”, en ég veit ekki hver sendi póstinn út.
Og þar sem ég hef ekki skráð mig á neinn póstlista sem gæti mögulega útskýrt þessar póstsendingar, þá veit ég ekki hvaðan þessi “hópur” fékk email addressuna mína (eflaust ásamt þúsundum annarra).

En það að þessum hópi finnist í lagi að senda svona póst, á addressur sem eru annaðhvort “stolnar” eða keyptar, frá einhverri tilbúinni hotmail addressu, hefur ekki góð áhrif á mig. Það er ekki svona fólk ég vill

En ég er búinn að taka til greina þennan hóp til að tryggja að ég muni ekki gefa neinum úr þessum hóp atkvæði mitt.

Hérna er listinn yfir fólk sem finnst í lagi að senda kaupa email addressur á svörtum markaði, eða keyra forrit til að safna saman email addressum, og sendir út óumbeðinn fjöldapóst án þess að gefa neinar upplýsingar um sendanda, eða hvaðan email addressan er fengin, eða hvernig hægt sé að skrá sig af þessum sendingum.

Myndir þú kjósa fólk sem finnst sjálfsagt að styðja spam?

Bætt við: Virðist koma í ljós að þessi póstur var sendur á alla sem að Sjálfstæðisflokkurinn veit emailið hjá. Og svo virðist sem að þetta hafi ekki verið staðið að þessu með samþykki þessara einstaklinga.

Finndu þrjár villur.2
natti posted in Biturt on November 3rd, 2010

1. 1. Til þess að mega mála á striga og selja málverkin þín þá verður þú að vera búin(nn) með myndlistaranám, enda ekki sanngjarnt að þeir sem hafi áhuga og hæfileika til geti bara farið og málað mynd án þess að hafa farið í gegnum sértækt nám.
2. 2. Til þess að mega leika í bíómynd, auglýsingu eða leikriti í leikhúsi, verður þú að vera búin(nn) með leiklista-nám. Öllum einstaklingum sem ekki hafa lokið leiklistanámi er óheimilt skv lögum að leika í auglýsingu, bíómynd eða leikriti.
3. 3. Til þess að mega taka ljósmynd af einstakling, breyta svo ljósmyndinni í tölvu og t.a.m. setja fiðrildi inn á myndina, verður þú að vera búin(nn) með ljósmyndaranám. Einstaklingum sem ekki hafa lokið ljósmyndaranámi er óheimilt að taka hversskyns myndir gegn gjaldi, jafnvel þó að sett sé fiðrildi inn á myndina eftir á. Enda er ekki mögulegt að aðrir en menntaðir ljósmyndarar hafi auga fyrir góðu myndefni, og almannahagsmunir krefjast þess að bara ljósmyndarar fái að taka myndir.
4. 4. Til þess að fá að stofna hljómsveit, syngja eða spila í hljómsveit, þá verður þú að vera búin(nn) með söng- eða hljóðfæranám. Þetta á við alla meðlimi í hverri hljómsveit. Sjálflærðir tónlistar-menn og konur æra nágranna sína með æfingum sínum sem ættu betur heima í tónlistarskóla. Þeim sem ekki hafa lokið skóla er því meinað að vera með í hljómsveit, enda nóg til af hljómsveitum nú þegar.

Þrjú atriði eru bull, eitt atriði er íslenskur raunveruleiki.
Skólaganga er alltaf góð. Og í flestum tilfellum hjálpar einstaklingum að skerpa á áherslum eða laga það sem betur mætti fara undir leiðsögn kennara. Enda fara margir “listamenn” (söng/leik/mynd/…) í nám. En ættum við að setja lög um þetta? Ættum við að útiloka fullt af hæfileikaríku listafólki vegna þess að það er ekki búið með “rétt” nám? Eða ættum við að meta þetta fólk út frá þeim verðleikum sem það hefur? (Því jú, ef það leikur eða syngur illa, þá eru ekki miklar líkur á frama eða frekari verkefnum.)

Eða væri ekki nær að breyta lögunum um eina af þessum listgreinum, og leyfa hæfileikaríku fólki að skapa sér tækifæri?

Gerum líka greinarmun á iðn og list.

FireSheep or FireShepherd?1
natti posted in Biturt on October 29th, 2010

Mbl.is birti um daginn frétt um að hægt sé að ná í plugin fyrir firefox sem leyfir notendanum að komast inn á annarra-manna facebook.
Þetta plugin heitir FireSheep
Virkar vel þegar þetta er notað á opnu þráðlausu neti.
Og með fréttinni fylgdi að ónafngreindur nemandi við H� hefði sannreynt þetta.
Sjá fréttir hér:
MBL Frétt: http://mbl.is/mm/frettir/taekni/2010/10/26/thradlaus_net_haettuleg/
PC-World frétt: http://www.pcworld.com/article/208727/firefox_addon_firesheep_brings_hacking_to_the_masses.html

Tveim dögum seinna kom frétt um að annar nemandi hafði búið til forrit sem slekkur á þessu plugini í tölvum sem eru “í kring”.
Þetta forrit heitir FireShepherd
� hnotskurn þá sendir forritið frá sér gögn sem verður til þess að firesheep hættir að virka hjá þeim sem eru að keyra það forrit.
(Galli í firesheep sem að fireshepherd nýtir sér.)
Frétt á mbl: http://mbl.is/mm/frettir/taekni/2010/10/28/fjarhirdirinn_rekur_saudina/

Og þetta er hans lausn,þó hann segir að þetta sé ekki “fullkomin vörn”, en stöðvi flesta sem nota firesheep.

Hvað er vandamálið við þessa lausn, Fireshepherd, og afhverju ættir þú ekki að nota hana?
Fireshepherd býr til tengingu við facebook og sendir frá sér bull sem verður til þess að firesheep hættir að virka.
Fireshepherd gerir þetta á 400ms (0,4sec) fresti. Framkvæmir eina tengingu, og bíður í 400ms, og endurtekur sig svo.
Þráðlaus net eru nú ekki hugsuð þannig að allir séu stöðugt að senda frá sér á sama tíma,og því gæti þetta auðveldlega hægt töluvert á þráðlausa netinu ef að margir eru með þettaí gangi.
En sleppum því, tökum annan vinkil á þetta.

Ég prufaði þetta forrit aðeins og skoðaði “hegðunina”.
Miðað við að það taki “engan” tíma að gera þessa tengingu við facebook, þá ætti fireshepherd að geta tengst 150sinnum út á mínútu.
� mínum tilraunum þá er ég að jafnaði að ná um 113 tengingum á mínútu.
Það eru 1440 mínútur í sólarhring, og ef forritið er keyrandi í 24klst þá býr þetta til 162.720 tengingar á 24klst.
Þetta eru margfalt fleiri tengingar en “gengur og gerist” miðað við venjulega notkun á netinu.
Allar tengingarnar sem ég bjó til tóku alltaf nákvæmlega sama gagnamagn í því sem var sent og tekið við (downloadað.)
958 byte sent, og 4380 bytes downloadað fyrir hverja tengingu.
� 24klst tímabili endar þetta í að fireshepherd sendir frá sér tæp 150MB, og downloadar (erlend umferð) um 680MB.

Það er misjafnt hversu mikið innifalið erlent download margir eru með, en fyrirtæki þurfa að borga fyrir erlent download og umframmagn.
Er þetta góð nýting á bandvídd? Að eyða tæpum 700MB á dag í þetta?

Flest fyrirtæki eru með eldveggi sem skráir niður (loggar) tengingar.
Fyrir amk eina gerð að eldvegg sem að er nokkuð algengur, ef að öll logging er í gangi (eins og margir eru með), þá er fireshephard að taka um 8 syslog skilaboð fyrir hverja tengingu sem það gerir. Eða um 1.3Milljón syslog skilaboða yfir 24klst tímabil.
Þessi log skilaboð eru að jafnaði um 1300 byte að lengd (þessi 8 saman). Og taka því 1600MB af plássi yfir 24klst tímabil.

Blaðsíðutal5
natti posted in Biturt on October 12th, 2009

Síðustu kvöldstundið hef ég haft Gagnfræðikver fyrir Háskólanema á náttborðinu mínu og er að lesa mér til skemmtunar fyrir svefninn.

Þar er m.a. farið yfir almennar leikreglur við uppbyggingu ritgerða. Hlutir eins og að setja ekki í möppu eða plasta inn, heldur bara hefta saman (því annars þarf kennarinn að kaupa umslag) og eitthvað svoleiðis eru mestallt skiljanlegir hlutir (upp að vissu marki).

En það er eitt atriði sem réðst á mig úr textanum.
Samkvæmt þessum leikreglum þá á að vera blaðsíðutal áöllum blaðsíðunum (ok, alltílagi), og á númer blaðsíðunnar að vera staðsett neðst á blaðinu FYRIR MI�JU!

Nú, þegar ég les bækur, tímarit eða önnur rit þá er ég vanur að blaðsíðutölin séu í hornunum.
Með því að hafa blaðsíðunúmerið í horninu, einsog tíðkast, þá hef ég vanið mig á að þetta er fyrsti staður sem ég leita eftir blaðsíðunúmeri. Auk þess er þetta einfalt í uppflettingu ef ég þarf að finna t.d.blaðsíðu 267. Enda auðvelt að “scrolla” blaðsíðurnar, sjá rétt endan á þeim ÞAR SEM BLAÃ?SÃ?Ã?UTALIÃ? ER til að finna rétta blaðsíðu.

En nei, í ritgerðum fyrir háskólanema skal blaðsíðutalið að vera fyrir miðju. AFHVERJU � <ritskoðað af prófessornum>!?!?!?!?
Afhverju ekki að hafa það eins og í öllum Ö�RUM ritum? Neðra horni! Það að hafa blaðsíðutal fyrir miðju auðveldar ekki uppflettingu til þess að komast sem fljótast á rétt blaðsíðutal, séu síðurnar fleiri en fimm. (� kverinu er einnig getið að númer frá einum og upp í níu skuli skrifuð með bókstöfum, en hærri númer með tölustöfum.)

(more…)

Fjarlægðu staurinn0
natti posted in Biturt on May 24th, 2009

Skv frétt á mbl.is verður fjarskiptafyrirtækið Og Fjarskipti (Vodafone…) að fjarlægja símastaur sem það hefur sett upp við mynni Ã?sbyrgis. Skipulagsnefnd gaf leyfi fyrir staurnum, en sveitastjórn ekki.

Og núna eru allir brjálaðir.

Þó svo að ég sé kannski ekki hlutlaus varðandi val á fjarskiptafyrirtækjum, þá get ég nú samt alveg tekið hlutlausa afstöðu til þessa máls á prinsipp forsendum.

Mér finnst að Og Fjarskipti ættu að láta fjarlægja staurinn, og mér finnst skömm að skipulags- og byggingarnefnd hafi gefið leyfið.

Það hefur ekkert með staurinn að gera, né staðsetninguna. Sækja á um leyfi fyrir svona mannvirkjum ��UR en þau eru byggð, og vinna að staðsetningu og fl. í SAMVINNU við viðkomandi byggð eða bæjarfélag.
Það að Og Fjarskipti hafi sett þennan staur í LEYFISLEYSI og vonast svo til þess að hann yrði samþykktur eftir á (á þeim forsendum að hann sé nú þegar kominn og bara vesen að fjarlægja og whatnot) sé nógu góð ástæða að það eigi að fjarlægja staurinn.

Alveg sama hvaða fjarskiptafyrirtæki á í hlut, eða önnur fyrirtæki/stofnanir sem huga að reisa mannvirki, þá er ákveðið ferli í kringum þannig vinnu sem ber að virða. SÉRSTAKLEGA þegar um er að ræða að reisa mannvirki við eina af náttúruperlum Ã?slands. Þegar fyrirtæki fara ekki eftir þessum reglum, þá á undantekningalaust að láta fyrirtækið fjarlægja mannvirkið, og fara svo í gegnum leyfisferlið. Jafnvel þó að mannvirkið yrði svo samþykkt í “óbreyttri” mynd á sama stað, þá verður viðkomandi fyrirtæki bara að standa undir kostnaði við að fjarlægja virkið, fara svo í gegnum leyfisveitingu, og reisa það aftur.

Ferlið fyrir leyfisveitingunni á svo einnig ekki að hefjast fyrr en að mannvirkið hefur verið að fullu fjarlægt.

Sumum finnst þetta kannski of harkalegt. Og það sé “ósanngjarnt” og “kostnaðarsamt” að fjarlægja mannvirkið/staurinn bara til þess að láta reisa hann aftur, tvöfaldur kostnaður og whatnot.
En þess háttar forvörn virkar. Ef að fyrirtæki vissu fyrir víst að ef það myndi byrja á mannvirki án leyfis, að þá yrði það að fjarlægja mannvirkið, þá myndi það ekki taka þá áhættu og líklega klára pappírsvinnuna og fá leyfi ��UR en framkvæmdir hæfust.

Að eiga skilið fálkaorðu1
Egill posted in Háalvarlegt mál, Biturt on May 22nd, 2009

� nýársdag í ár veitti Ólafur Ragnar Grímsson 11 einstaklingum Fálkaorðuna (riddarkross). �stbjörg Stefanía Gunnarsdóttir, íþróttakennari, fékk eitt stykki fyrir frumkvæði í almenningsíþróttum og lýðheilsu. Getur einhver sagt mér af verkum hennar?

Jón Eiríksson fræðimaður og fyrrverandi oddviti fékk orðu fyrir félagsstörf og framlagt til menningarsögu. Ég man ekki í fljótu bragði ekki hvað það var sem Jón hefur unnið að í gegnum tíðina, getur einhver hjálpað mér þar?

Grímur Karlsson fyrrverandi skipstjóri var veittur þessi heiður fyrir að smíða skipa- og bátalíkön. Já, fyrir að smíða skipa- og bátalíkön.

Ég efast ekki í brot úr hluta úr ögn af sekúndu um að þessir þrír einstaklingar, og hinir 8 sem hlutu þennan heiður á sama tíma, eru allir vel að Riddarakrossi hinnar íslensku Fálkaorðu komnir. Sjálfsagt hefur þetta fólk lagt mikið á sig í gegnum tíðina og eftir að hafa fengið ábendingar um vel unnin störf þeirra hefur orðunefnd ákveðið að hengja á þau krossa. Það sem ég er hins vegar að benda á er að oftar en ekki er Fálkaorðan veitt einstaklingum sem ekki endilega hafa flogið hátt utan heimabyggðar og ekki haft mjög sýnileg áhrif á nema lítinn hluta þjóðarinnar.

Jóhanna Guðrún júróvissjónstjarna stóð sig vel í Moskvu, um það eru flestir ef ekki allir sammála. Hún veitti mörgum mikla gleði þegar hún sem fulltrúi okkar fámennu þjóðar náði öðru sæti í baráttu við miklu fjölmennari þjóðir, sem utan stærðarinnar hafa það með sér að eiga marga nána nágranna. Eftir af góður slatti af fólki hafði tekið á móti henni á Austurvelli fóru einhverjir að velta því fyrir sér hvort að hún ætti ekki jafnvel skilið einhverja opinbera viðurkenningu. Þar sem við eigum í rauninni bara eina formlega viðurkenningu, Fálkaorðuna, varð hún fljótt það sem flestir áttu við.

En nei. Við það geta sumir ekki unað. Jóhanna er nefnilega of ung. Svo fékk Selma nú enga orðu á sínum tíma.  Svo er líka til fullt af fólki sem á miklu frekar skilið að fá þessa orðu en fær hana auðvitað ekki af því að það er ekki nógu frægt!

Þvílíka heilhveitis ruglið! Hvaða máli skiptir það nokkurn mann þó að henni sé veitt þessi blessaða orða? Hvaðan kemur þessi illvild í garð manneskju sem ég fæ ekki séð að hafi gert neitt á hlut þeirra sem stofna Facebook grúppur til höfuðs því að hún fái opinbera viðurkenningu? Og ætli þeir sem segja að bara útvaldir frægir fái þessa orðu hafi yfirhöfuð kynnt sér orðuveitingar undanfarinna ára? Þær eru allar auðfinnanlegar á síðu forsetaembættisins. 

Mér persónulega er sama hverjir fá þessa orðu. Það sem ég skil ekki er þessi óvild í garð ungrar konu sem hefur sér einsins ills unnið.

Hversu oft á ég að borga fyrir vöru sem að ég fæ?5
natti posted in Biturt on March 6th, 2009

Mánaðarverð í ADSL hjá Símanum er frá 4.190 til 6.690, stofngjald er 6000kr en fellt niður gegn 12 mánaða samning.

Burtséð frá hækkunum (sem hafa verið töluverðar hjá Símanum s.l. eitt og hálft ár),  hvað er þá Síminn að bjóða upp á?
� markaðssetningu lagði Síminn eitt sinn áherslu á áð þú fengir router frítt með, svo þú þyrftir ekki að leggja út fyrir router sjálf(ur).
Hvernig fer fyrirtæki að því að bjóða upp á ókeypis vörur? Jú, með því að gera ráð fyrir að peningurinn komi inn með öðrum leiðum. Þetta er ekki góðgerðarstarfssemi og ekki ætlunin að reka taprekstur.

Verðið á ADSL tengingunni (og hækkanir þar á) hljóta því að endurspegla kostnaðinn við þessa routera. Og við “hin” sem fáum ekki router frá Símanum því við eigum slíkan fyrir, borgum að hluta til kostnaðinn til að aðrir geti fengið router. Þetta gerum við með himinháu mánaðargjaldi, sem lækkar hvorki í góðæri né kreppu.

En svo var fyrirtækið sett í að finna allar krónur, og einhver sá að fólk var að fá router án endurgjalds. (Og alveg búinn að gleyma business case-inu að routeraverðið sé inn í mánaðargjaldi adslsins.)
Hann tekur því fram reiknivél, og “reiknar” að Síminn sé að “tapa” gífurlegum verðmætum… og ákveðið er að leigja út routerana.

Verst að það er engin samkeppni í interneti á íslandi. �slenskir intenretþjónustuaðilar eru meira samstíga en olíufélögin voru.

En að öðru.

Fyrirtæki sem eru í “samkeppni” hafa þann sið á að bjóða upp á æðisleg tilboð ef að fólk kemur til þeirra í viðskipti, en eftir að hafa náð ákveðnum fjölda viðskiptavina þá er verðið hækkað, jafnvel yfir verðið sem það var í hjá fyrri þjónustuaðila, í þeirri von um að aðeins fáir taki eftir þessu eða nenni að flytja sig til baka.

Síminn(og/eða starfsfólk Símans) hefur oft bent á þetta hjá samkeppnisaðilum sínum, t.d. á farsímamarkaði. Þar sem að aðilar bjóða frábær tilboð til að laða til sín hóp fólks, og þegar takmarkinu er náð þá er verðið hækkað. Sumir færa sig þá til baka yfir til Símans, en aðrir verða eftir.

Síminn eyddi mörgum miljónum í að auglýsa að myndlykillinn væri ókeypis. Þetta var gert í þeim tilgangi að fá fólk til að kaupa sjónvarpsþjónustu. Þeir sem kaupa áskrift borga áskriftargjald, en þeir sem eru ekki í neinni áskrift borga ekki neitt. Hvernig á að koma til móts við kostnað af myndlyklum fyrir þá sem að fara ekki í neinar áskriftarleiðar?
Einfalt, í sömu auglýsingum er Síminn að koma on-deman video-leiguinni sinni á framfæri. Skjábíó.
Flestir sem fara og ná sér í myndlykil en enga áskriftarleið eru að því til að komast í samband við videoleigu Skjásins. Þar er verðið jafnhátt og út á videoleigu. Og væntanlega kemur e-ð í kassan út á það.

En svo ákvað Síminn að rukka fyrir myndlyklana hjá þeim sem eru ekki í áskriftarleiðum.

Persónulega finnst mér ekkert óeðlilegt við að fyrirtæki rukki leigu fyrir búnað hjá þeim sem borga ekkert áskriftargjald. Það sem er óeðlilegt er að fyrirtæki byrjar að rukka fyrir leigu í beinu framhaldi að meira en árs markaðsherferð sem gekk út á að fólk ætti að ná sér í svona sér að kostnaðarlausu, það þyrfti ekkert að borga. Þegar síminn ákvað að senda tilkynningu út á notendur um að þeir þyrftu að fara að borga fyrir myndlykil, þá átti eftir að fjarlægja auglýsingunua um “ókeypis” myndlykil á nokkrum stöðum á höfuðborgarsvæðinu. Þetta gekk því bara út á að ná í notendurna til að geta farið að rukka þá eftirá.

En hvað get ég sagt. Ég er hjá Símanum og ekkert á leiðinni burt. Lít svo á að Síminn og Vodafone séu einu vænlegi kostirnir. Vildi samt óska þess að Hive væri ennþá til staðar bara til að veita Símanum og Vodafone ákveðið aðhald. Því ekki gera hinir [Vortex, Snerpa etc] þjónustuaðilarnir það.

Stjórnmál - this and that.1
natti posted in Biturt on February 16th, 2009

Engin breyting við þessi stjórnarskipti í raun, nema kannski önnur framtíðarsýn.

Nýja stjórnin passar sig á að gleyma því sem þeir gagnrýndu í fari annarra, til að geta tekið upp sjálf.
� meðan nýja stjórnarandstaðan virðist hafa gleymt öllu sem þeir gerðu, og gagnrýna sömu vinnubrögð sem þeim fannst sjálfsögð nokkrum dögum áður.

Eitt sem mig langar til að benda á varðandi þessa “leynd” yfir samskiptum við AGS. Leynd sem að bæði núverandi og fyrrverandi stjórn ætla að fara eftir, og passa að láta stjórnarandstöðu ekki vita rass.
Er að þessi “leynd” varðar mál sem að er efnahagur íslands. Ekki er um að ræða einhver herleyndarmál.
� fyrsta lagi, þá er bæði stjórn og stjórnarandstaða kosin á þing, og eru fulltrúar hinna ýmsu hópa. Öll þjóðin, eða í það minnsta fulltrúar allrar þjóðarinnar (allir þingmenn), eiga að fá að vita innihald allra bréfa.

Opinber mál eiga ekki að vera leynd. Eitthvað sem að snertir framtíð �slands á ekki að vera leynd. Það er engin ástæða fyrir neitt af þessu til að vera leynd.

Þegar aðilar utan �slands eru að gefa einhverjar ráðleggingar, þá eiga þær að vera fyrir opnum tjöldum. Þetta á ekki að vera pólitískt baktjaldarmakk eins og bæði stjórn og stjórnarandstaða hafa tekin fullan þátt í.

Gagnsæji er lykilorð. En virðist bara vera það þegar þú ert í andstöðu. Þessi gildi gleymast á umþaðbil hálfri mínútu eftir að viðkomandi kemst í stjórn. Eða svo virðist vera.

Enda ætti að setja reglur um hámarksdvöl einstaklinga sem a) ráðherrar og b) þingmenn. Þannig að t.d. eftir ákveðinn tíma þá bara einfaldlega hefuru ekki lagalegan rétt til að sitja lengur. Þetta myndi tryggja endurnýjun á fólki, nýjar hugmyndir, áherslur og hvaðeina. Þá myndi hugtakið “pólitískt framtíð ” vonandi hverfa. Fólk myndi koma inn með hugmyndir og loforð, reyna að nýta tímann sem það fengi í að efna þau loforð sem það var kosið út á, og halda svo áfram með líf sitt utan þings. Þá væri engin ástæða til að halda einhverju leynifundi til að tryggja áskrift af þing og ráðherralaunum og fríðindum.

Það eru einstaklingar bæði í stjórn og stjórnarandstöðu sem ættu að vera löngu farnir. Þessir einstaklingar eru löngu hættir að þjóna “þjóðinni”, þessir einstaklingar eru bara að hugsa um hvernig þeir geti setið lengur og komið rassinum sínum betur fyrir. Þeir standa í vegi fyrir endurnýjun.

Núverandi stjórnarandstaða ætti heldur ekki að gagnrýna nýju stjórnina fyrir að breyta um forseta alþingis þegar nýja stjórnin “hafði tækifæri að leyfa honum að sitja áfram”.
� sinni stjórnartíð, ákvað núverandi stjórnarandstaða (xd) að forseti alþingis væri pólitískt skipaður, og skipaði aðeins manni úr sínum röðum.
Nýja stjórnin gerir bara það sama, og almenningur má endilega gagnrýna það, en gagnrýni stjórnarandstöðu er bara gagnrýni á eigin starfshætti.

Kosningar voru boðaðar of fljótt, aðalega vegna þess að VG vill ekki taka áhættu á að xD safni fylgi aftur. En á sama tíma er ekki góður tími fyrir aðra hópa að taka sig saman. Enda er það hvort eð er enginn kostur fyrir VG að fá fleiri á móti sér.

Það er vel kominn tími á endurnýjun, þetta á við um alla flokka. En fólk er víst búið að koma sér of vel fyrir…

Toyota - Tákn um græðgi1
natti posted in Biturt on February 6th, 2009

Pæling.
Ég er yfirmaður eða forstjóri fyrirtækis og boða að vegna hækkandi kostnaðar og fl. þarf fyrirtækið að taka sig á peningalega séð. Eitt sem því sem verður að gera er að lækka laun starfsmanna, kannski segja einhverjum upp, banna alla yfirvinnu og þess háttar. �mislegt sem að starfsfólk þarf að taka á sig, tekjuskerðing, en samt ætlast til að allir leggi harðar að sér og hjálpist að við að vinna úr þessu.

Næst á dagskrá er að bíllinn sem ég fæ frá fyrirtækinu er “kominn á tíma”, ég læt frá mér fokdýra bílinn sem ég fékk í miðju góðærinu, og fæ mér annan nýrri fokdýran bíl. Bíl sem er á verði árslauna 2-4 starfsmanna í vinnu hjá mér. (Eftir því hvaða launaflokk ég miða við).

Nú finnst eitthvað af starfsfólki mínu þetta vera hræsni, að þeir skuli taka á sig niðurskurð, en að ég fái splunkunýjan bíl. En þeir líta svo á að það ættu allir að leggjast á eitt, en ekki bara sumir. Greinilegt að þeir sem voru hæst launaðir til að byrja með missa ekkert af sínum tekjum. Rétt eins og skúringarfólkið er rekið þegar kostnaður við millistjórnendur er of hár.

Einn af starfsmönnunum ákveður svo að skrifa um þetta á bloggsíðunni sinni. � færslunni kemur ekki fram mitt nafn. Né kemur fram nafnið á fyrirtækinu sem að ég stjórna. Né heldur kemur fram hans nafn (nema að viðkomandi leiti af því með því að skoða nánari upplýsingar um notandann). Og á fljótlegan hátt kemur hvergi fram hvar hann vinnur. Þannig að í stuttu máli er ekkert sem að tengir þessi skrif hans við fyrirtækið mitt fyrir hinn almenna lesanda. Flott.

Auðvitað eru til einstaklingar sem gera sér grein fyrir því um hvaða fyrirtæki er verið að ræða, og hvaða einstakling (mig).
Þetta er helst til einstaklingar sem að standa honum nærri, sem og samstarfsfélagar.

Mér finnst auðvitað fáránlegt að hann hafi skrifað þetta, því auðvitað finnst mér óréttlátt að mín laun, bónusar eða fríðindi séu skert. Það er auðvitað búið að skerða hjá öllum hinum í fyrirtækinu, er það ekki nóg? � að skerða hjá mér líka? Held nú ekki.

Ég hef því nokkra valkosti (fyrir utan að sjá að mér og skipta um bíl):
1. Láta eins og ekkert sé, leyfa honum að tuða um þetta í nokkra daga, vona að hann hafi ekki neikvæð áhrif á samstarfsfélaga með því að minnast á þetta.
2. Tala við hann, eða láta hans yfirmann tala við hann, um þetta mál. Að þetta sé ekki æskileg hegðun hjá starfsfólki okkar, og að við fylgjumst með því hvað fólk segir og skrifar í sínum frítíma, nafnlaust og án nokkrar tengingar við okkur.
3. Reka manninn, og láta hann fara með þetta í blöðin (því hann hefur svosem ekkert annað að gera). Þannig að allir íslendingar viti að ég hefi endurnýjað bílinn (ekkert að því) og um hvaða fyrirtæki er rætt.

Hm, virðist vera svona PR mál. Góðærið er búið, og gott að búa til umfjöllun um fyrirtækið. Sagði ekki einhver að neikvæð umfjöllun sé betri en engin? Rekum hann, hendum þessu í blöðin og látum öllum bölva okkur í sand og ösku, það er það sem er best fyrir fyrirtækið að sjá hvernig það er rekið. Og ýta undir allar þær “gróusögur” um hvernig farið sé með starfsfólkið hérna.

Setjum á lágtekjuskatt!0
natti posted in Biturt on December 11th, 2008

Var að lesa þessa frétt á mbl. Þar sem Steingrímur J segist sakna hátekjuskattsins…
Þetta er auðvitað í samræmi við þá hugmyndafræði vinstri manna um að toga þá sem “hærri” eru niður á lægsta samnefnarann. Ã? staðinn fyrir að lægstu laun séu hækkuð, þá er betra að taka þá sem hafa hærri laun niður á þeirra level.

Þetta er auðvitað alveg í samræmi við aðrar hugmyndir VG. Það er náttúrulega fáránlegt að einn (eða fleiri) grunn-/mennta- eða háskóli standi fram úr og geri góða hluti. Finna þarf lélegasta skólann á landinu, og passa upp á að enginn annar skóli sé betri en hann. Þannig er hægt að hafa jafnræði í þessu. Enda er auðséð að það er auðveldara og hentugra að draga alla niður (og nota lögin til þess) í staðinn fyrir að actually þurfa að hugsa um hvernig má gera betur á þeim stöðum sem verr eru staddir.

En aftur að laununum. Það er náttúrulega alveg óhugsandi að fólk skuli borga sama hlutfall af launum til ríkissjóðs. Meina, aðili með 400þús á mánuði borgar náttúrulega meiri skatt en aðili með 200þús, en hann borgar sömu prósentu.
Ekkert jafnræði í því, þannig að þeirra hugmynd er að hækka skattaprósentuna hjá þeim sem eru með 400þús. Þannig að þeir borgi bæði fleiri krónur, og hærri prósentu. (Ég sé alveg hvernig þetta er jafnara… nei, veistu, ég sé það bara ekki neitt.)

En auðvitað er rétt hjá Steingrími að núverandi fyrirkomulag sé ekki gott. Lausnin hans miðast bara við vitlausan enda.
Réttast væri að hafa lágtekjuskatt. Því að þeir sem að eru með lág laun, borga jú minna í ríkissjóð, en fá hlutfallslega meira til baka (persónuafsláttur er jú krónutala en ekki prósenta, og er því stærri prósenta af launum “lág”tekjufólks.)
Og svo þurfa þeir sem eru með lægri tekjur ekki að lifa við allskonar “skerðingar” á barnabótum, örorkubótum og öðrum peningaspenum frá ríkinu. Þessir aðilar borga minna en fá meira til sín í staðinn.

Lágtekjuskattur er því eina leiðin til þess að leiðrétta þennan ójöfnuð. Væri ekki réttlátt að allir sem eru með undir 300þús í mánaðarlaun myndu borga auka skatt? Lágtekjuskattur gæti verið þrepaskiptur. Þeir með 300þ borguðu 4% aukalega, en þeir með 250þ borga 7% aukalega. Og þeir sem eru með 200þ borga svo 10% aukalega í skatt.
Með því að leyfa þessum hóp fólks að borga aðeins meiri skatt, þá getur það komist nær þeim sem eru með hærri tekjur í að styrkja ríkissjóð.

Ég meina, er ásættanlegt að yfirmenn stofnana og fyrirtækja sem borga skikkanleg laun þurfi að hluta á eitthvað röfl frá einstaklingum sem að borga ekki neitt í ríkissjóð? Þeir eiga ekki að þurfa að sitja undir svona löguðu. Einstaklingar sem borga nánast engann skatt, fá allar bæturnar sínar óskertar, og eru svo dugleg í að sækja sér allskonar auka styrki frá ríkisstofnunum og stéttarfélögum og hvaðeina.

Miðum alltaf við lægsta samnefnarann, enginn má skara framúr, enginn má gera betur.
Og auðvitað hefur Steingrímur nóg af fylgjendum á þessu sviði. Enda enginn skortur af aðilum sem eru meira en tilbúnir til þess að gefa ekkert frá sér en lifa bara á kerfinu. Og finnst sjálfsagt að aðrir borgi undir sig.